012

siaxleebi

2012-03-27

ასოციაციის ხელმძღვანელი ორგანოების არჩევნები

27 მარტს ასოციაციის საერთო კრებაზე გაიმართა ასოციაციის გამგეობის არჩევნები. გამგეობის წევრებად არჩეული იქნენ: მ.გიორგობიანი (კომპანია სანოფი-ავენტისი) გ.რამიშვილი (ჰოფმან ლა როში) მ.ხეცურიანი ( სერვიე) ს.იორამაშვილი (ნოვარტისი) მ.კლდიაშვილი (გლაქსო).
გამგეობის თავჯდომარედ კვლავ ერთხმად არჩეული იქნა ქ-ნი მარინე გიორგობიანი (სანოფი-ავენტისი)

2012-03-27

ასოციაციაში მიღებულია ახალი წევრი - Abbott Laboratories S.A

კომპანია Abbott Laboratories S.A (ებოტ ლაბორატორიზ ეს ეი-ს წარმომადგენლობა საქართველოში ) მიღებულია ასოციაციის წევრად.

2012-03-23

ასოციაციის აღმასრულებელი დირექტორის გაწევრიანება თბილისის სახელმწიფო სამედიცინო უნივერსიტეტის კლინიკურ საბჭოში

თბილისის სახელმწიფო სამედიცინო უნივერსიტეტის (თსსუ) ხელმძღვანელობის ინიციატივით შექმნილი კლინიკურ საბჭოს წევრად მიწვეული იქნა ასოციაციის აღმასრულებელი დირექტორი ი.მარგველაშვილი. კლინკური საბჭოს დებულება და წევრების სია დამტკიცებული იქნა თსსუ-ს აკადემიური საბჭოს მიერ. კლინიკური საბჭოს საქმიანობას უხელმძღვანელებს თსსუ-ს რექტორი ბ-ნი ზურაბ ვადაჭკორია

2011-06-21

ასოციაციის მონაწილეობა ფარმაცევტული მწარმოებლების და ასოციაციების საერთაშორისო ფედერაციის IFPMA საბჭოს შეხვედრაში (ჟენევა, შვეიცარია)

შვეიცარიის დედაქალაქ ჟენევაში 21-22 ივნისს გაიმართა ფარმაცევტული მწარმოებლების და ასოციაციების საერთაშორისო ფედერაციის IFPMA წევრი ასოციაციების ხელმძღვანელების შეხვედრა და საბჭოს სხდომა. შეხვედრას ესწრებოდნენ ეროვნული ფარმაცევტული ასოციაციების ხელმძღვანელები მსოფლიოს 30-ზე მეტი ქვეყნიდან, IFPMA -ს პრეზიდენტი დევიდ ბრენანი, IFPMA -ს გენერალური დირექტორი ედუარდო პიზანი. შეხვედრაზე მოწვეული იყვნენ და პრეზენტაციები გააკეთეს სტუმრებმა:
ლემბიტ ლარგომ (ჯანდაცვის მსოფლიო ორგანიზაციის წამლების ხარისხისა და უსაფრთხოების კოორდინატორი), რუტუს ჰ. იერქსა (მსოფლიოს სავაჭრო ორგანიზაციის გენერალური დირექტორის მოადგილე, თეა კოლინზი, NCD ალიანსის აღმასრულებელი დირექტორი).
ჩვენი ასოციაცია წარმოდგენილი იყო ასოციაციის აღმასრულებელი დირექტორის ირაკლი მარგველაშვილის სახით.

2011-03-16

ასოციაციის მიერ ორგანიზებული მრგვალი მაგიდა, სასტუმრო თბილისი მერიოტი

16 მარტს, სასტუმრო თბილისი მერიოტში, ჩვენმა ასოციაციამ გამართა მრგვალი მაგიდა-სამუშაო შეხვედრა, რომელზედაც მოწვეული იყვნენ შრომის, ჯანმრთელობისა და სოციალური დაცვის სამინისტროს, პარლამენტის ჯანდაცვის კომიტეტის და ჯანდაცვის მსოფლიო ორგანიზაციის წარმომადგენლები. დეტალები იხილეთ ბმულზე 

2011-03-07

ასოციაციაში მიღებულია ახალი წევრი -Abdi Ibrahim

კომპანია Abdi Ibrahim-ის საქართველოს წარმომადგენლობა მიღებულია ასოციაციის წევრად. ფარმაცევტული კომპანია Abdi Ibrahim შეიქმნა 1912 წელს და ატარებს მისი დამაარსებლის სახელს. კომპანია 2003 წლიდან წარმოადგენს თურქეთის #1 ფარმაცევტულ კომპანიას გაყიდვების (რაოდენობრივი და თანხობრივი მაჩვენებლების) მიხედვით. კომპანია Abdi Ibrahim წარმოადგენს პირველ თურქულ კომპანიას, რომელიც შედის მსოფლიოს 100 ყველაზე დიდი ფარმაცევტული კომპანიის ჩამონათვალში. კომპანიას აქვს ყველაზე გამორჩეული კვლევითი ცენტრი თურქეთში, ერთ–ერთი ყველაზე მაღალი წარმოების მოცულობის მქონე ფარმაცევტული ქარხანა ევროპაში (რომელსაც გააჩნია ევროკავშირის GMP სერტიფიკატი) და თანამდეროვე ტექნოლოგიებით აღჭურვილი ლოჯისტიკური ცენტრი, საიდანაც მარაგდება სამხრეთ ევროპის, მცირე აზიის, აფრიკის, ამიერკავკასიის, დსთ–სა და აზია–ოკიანეთის ქვეყნები. კომპანია Abdi Ibrahim თავისი გაყიდვების 4%–ს ხარჯავს ახალი წამლების კვლევა–განვითარებისათვის, რაც ყველაზე მაღალი მაჩვენებელია თურქეთის ფარმაცევტულ მწარმოებელებს შორის. Abdi Ibrahim თანამშრომლობს 40–ზე მეტ მსოფლიოში ცნობილ, ინტერნაციონალურ, ფარმაცევტულ კომპანიასთან და თურქულ ფარმაცევტულ სექტორში ჰყავს ყველაზე მეტი ლიცენზიარი კომპანია

2011-02-07

ასოციაციის მონაწილეობა ქართულ-ამერიკულ ფორუმში : "საქართველოს ჯანდაცვა 2020: მედეა 2011" (ვაშინგტონი, აშშ, 1-2 თებერვალი)

ამერიკის შეერთებული შტატების დედაქალქ ვაშინგტონში 2011 წლის 1-2 თებერვალს გაიმართა ქართულ-ამერიკული ფორუმი "საქართველოს ჯანდაცვა 2002: მედეა 2011".  ჩვენი ასოციაცია მიწვეული იქნა საქართველოს ჯანმრთელობის, შრომის და სოციალური დაცვის სამინისტროს მიერ საქართველოს ოფიციალური დელეგაციის წევრად და ასოციაციის სახელით ფორუმის მუშაობაში მონაწილოება მიიღო ასოციაციის აღმასრულებელმა დირექტორმა ირაკლი მარგველაშვილმა. მან დამსრეთ წარუდგინა პრეზენტაცია საქართველოს ფარმაცევტული ბაზრის შესახებ. ღონისძიება ჩატარდა საქართველოს პირველი ლედის ქალბატონი სანდრა რულოფსის პატრონაჟით, რომელიც ასევე იყო ფორუმის საპატიო სტუმარი.  ფორუმს ესწრებოდნენ საქართველოს ჯანმრთელობის, შრომის და სოციალური დაცვის მინისტრი და სამინისტროს ხელმძღვანელი პირები,  საქართველოს ეკომონომიკისა და მდგრადი განვითარების სამინისტროს ხელმძღვანელი პირები,საქრთველოს პარლამენტის თავჯდომარის მოადგილე ბ-ნი გიგი წერეთელი, თსსუ-ს რექტორი, თსუ-ს წარმომადგენლები, სხვადასხვა კლინიკების ხელმძღვანელები, სხვადასხვა საერთაშორისო და არასამთავრობო ორგანიზაციების, ასევე ჯანმრთელობის დაცვის სფეროში მოღვაწე კერძო სექტორის წარმომადგენლები, ამერიკის შეერთებულ შტატებში მოღვაწე ქართველი ექიმები. ფორუმის საზეიმო გახსნას დაესწრო  ამერიკის შეერთებული შტატების ჯანმრთელობის დაცვის მინისტრი ქალბატონი კეტლინ სიბელიუსი. დეტალური ინფორმაცია ფორუმის შესახებ შეგიძლიათ იხილოთ ვებ გვერდზე: www.mdxp.com

2010-12-03

ასოციაციაში მიღებულია ახალი წევრი Fic Medical

კომპანია Fic Medical -ის საქართველოს წარმომადგენლობა მიღებულია  ასოციაციის წევრად. კომპანია  ფიკ მედიკალი საქართველოში წარმოადგენს  5 ფრანგული ფარმაცევტული ლაბორატორიის (BOUCHARA RECORDATI, ROSA PHYTOPHARMA, MAYOLY SPINDLER, NIGY, OMEGA PHARMA ) პროდუქციას. ხოლო 2011 წლიდან ასევე წარმოადგენს იტალიური ფარმაცევტული კომპანიის RECORDATI პროდუქციას.

2010-11-15

ასოციაციის მონაწილეობა ფარმაცევტული მწარმოებლების და ასოციაციების საერთაშორისო ფედერაციის IFPMA 25-ე ასამბლეაში (ვაშინგტონი, აშშ)

ამერიკის შეერთებული შტატების დედაქალქ ვაშინგტონში 9-10 ნოემბერს გაიმართა ფარმაცევტული მწარმოებლების და  ასოციაციების საერთაშორისო ფედერაციის (IFPMA)  25-ე ასამბლეა. ასამბლეას  დაესწრო 250 -მდე დელეგატი მსოფლიოს სხვადასხვა ქვეყნიდან.  ჩვენი ასოციაცია წარმოდგენილი იყო ასოციაციის აღმასრულებელი დირექტორის ირაკლი მარგველაშვილის სახით. ღონისძიებას ესწრებოდნენ როგორც მსოფლიოს წამყვანი ფარმაცევტული კომპანიების და ფარმაცევტული ასოციაციების ხელმძღვანელი პირები, ასევე ჯანდაცვის მსოფლიო ორგანიზაციის (WHO), მსოფლიო სავაჭრო ორგანიზაციის (WTO), მსოფლიო ბანკის , ამერიკის სავაჭრო პალატის და სხვა საერთაშორისო ორგანიზაციების წარმომადგენლები. განხილული იქნა  გლობალური მასშტაბის სხვადასხვა მნიშვნელოვანი საკითხები, არჩეული იქნა  IFPMA  ახალი პრეზიდენტი, ბ-ნი დევიდ ბრენანი.

2010-09-30

ასოციაციის მონაწილეობა ორგანიზაციის " პარტნიორობა სოციალური ინიციატივისათვის" ორგანიზებულ დებატებში

არასამთავრობო ორგანიზაციამ " პარტნიორობა სოციალური ინიციატივისათვის" სასტუმრო "ბეტსის" საკონფერენციო დარბაზში გამართა დებატები თემაზე "წამალზე დანახარჯები საქართველოში". დაწვრილებითი ინფორმაცია PSI -შესახებ და  დეტალები აღნიშნული ღონისძიების შესახებ შეგიძლიათ იხილოთ ბმულებზე http://www.psidiscourse.ge/geo/ და  http://www.youtube.com/watch?v=Pf8g-4yfmDk