17 აპრილს ასოციაციის საერთო კრებაზე გაიმართა ასოციაციის გამგეობის მორიგი არჩევნები. გამგეობის წევრებად არჩეული იქნენ: მ.გიორგობიანი ( სანოფი-ავენტისი) ზ.ჩარკვიანი (გედეონ რიხტერი ) მ.ხეცურიანი ( სერვიე) ლ.ვარდუაშვილი (აბდი იბრაჰიმი) გ.ღვინეფაძე (გლაქსო).
გამგეობის თავჯდომარედ კვლავ ერთხმად არჩეული იქნა ქ-ნი მარინე გიორგობიანი .

17 აპრილს ასოციაციის საერთო კრებაზე წევრების მიერ ერთხმად დამტკიცებული იქნა ასოციაციის მიერ მომზადებული კოდექსი საქართველოში სამარკეტინგო საქმიანობის შესახებ. კოდექსი აგებულია იმ ძირითად პრინციპებზე და კრიტერიუმებზე, რომლებიც შემუშავებულია ფარმაცევტული მწარმოებლების და ასოციაციების საერთაშორისო ფედერაციის (IFPMA), მსოფლიო სამედიცინო ასოციაციის, ექთანთა საერთაშორისო ფედერაციის, ფარმაცევტთა საერთაშორისო ფედერაციის და მსოფლიოს ჯანდაცვის ორგანიზციის მიერ.კოდექსის ქართული ვერსია და ინგლისური თარგმანი (იხილეთ ბმული - დააჭირეთ კოდექსის იმიჯს)

ასოციაციის წევრების მიერ კოდექსის ხელმოწერის საზეიმო ცერემონიის ღონისძიება გაიმართება 20 მაისს თბილისში.

Code of Practice (pdf)

6 ნოემბერს გამართულმა ასოციაციის საერთო კრებამ  ასოციაციის გამგეობის  წევრად  ხმათა უმრავლესობით  აირჩია  ბ-ნი ლევან ვარდუაშვილი (კომპანია აბდი იბრაჰიმ ფარმაცეუტიკალს-ის  წარმომადგენლობის ხელმძღვანელი საქართველოში).  გამგეობის წევრის ვაკანტური ადგილი გაჩნდა მას შემდეგ, რაც გამგეობის წევრმა  ბ-ნ-მა გუგა რამიშვილმა კომპანია როშე-ში მოღვაწეობა  გააგრძელა როშე ყაზახეთის წარმომადგენლობის ხელმძღვანელის თანამდებობაზე  და  დროებით დატოვა საქართველო.

9 ოქტომბერს, სასტუმრო შერატონ მეტეხი პალასში, ასოციაციამ გამართა მრგვალი მაგიდა-სამუშაო შეხვედრა, რომელზედაც მოწვეული იყვნენ საქართველოში ვიზიტით მყოფი მსოფლიოს ჯანდაცვის ორგანიზაციის ჯანდაცვის ტექნოლოგიებისა და ფარმაცევტული პროდუქციის დეპარტამენტის საზოგადოებრივი ჯანდაცვის და ჯანდაცვის სისტემების განყოფილების
წარმომადგენლები და ესტონეთის სახელმწიფო წამლის სააგენტოს გენერალური დირექტორის ქ-ნი კრისტინა რაუდსეპი. ასევე შრომის, ჯანმრთელობისა და სოციალური დაცვის სამინისტროს წამლის სააგენტოს წარმოამდგენლები. შეხვედრა იყო მეტად მნიშვნელოვანი და პროდუქტიული და ძირითადი თემა იყო საქართველოში არსებული რეგულაციები ფარმაცევტულ დარგში და რეგულაციების სრულყოფის გზები. საქართველოში ვიზიტის შემდეგ სტურმები მოამზადებენ დასკვნას და კონკრეტული ცვლილებების რეკომენდაციებს საქართველოში მოქმედი რეგულაციების შესახებ.

შვეიცარიის დედაქალაქ ჟენევაში 9-11 ივლისს გაიმართა ფარმაცევტული მწარმოებლების და ასოციაციების საერთაშორისო ფედერაციის IFPMA წევრი ასოციაციების ხელმძღვანელების შეხვედრა და საბჭოს სხდომა. შეხვედრას ესწრებოდნენ ეროვნული ფარმაცევტული ასოციაციების ხელმძღვანელები მსოფლიოს 45-მდე ქვეყნიდან, ღონისძიება მიჰყავდათ IFPMA -ს ვიცე პრეზიდენტს მასაფუმი ნოგიმორის (კომპანია ასტელას ფარმას პრეზიდენტი) და IFPMA -ს გენერალური დირექტორს ედუარდო პიზანის. შეხვედრაზე მოწვეული იყვნენ და პრეზენტაციები გააკეთეს სხვადასხვა მაღალი რანგის სტუმრებმა.
IFPMA -ს ახალ წევრებად მიღებულია: კომპანიები AbbVie, Leo Pharma, UCB და უკრაინის საერთაშორისო ფარმაცევტული მწარმოებლების ასოციაცია (AIPM Ukraine)
ჩვენი ასოციაცია წარმოდგენილი იყო ასოციაციის აღმასრულებელი დირექტორის ირაკლი მარგველაშვილის სახით.

19 მარტს ასოციაციის საერთო კრებაზე გაიმართა ასოციაციის გამგეობის მორიგი არჩევნები. გამგეობის წევრებად არჩეული იქნენ: მ.გიორგობიანი (კომპანია სანოფი-ავენტისი) გ.რამიშვილი (ჰოფმან-ლა როში ) მ.ხეცურიანი ( სერვიე) ი.პეტრიაშვილი (ფაიზერი) გ.ღვინეფაძე (გლაქსო).
გამგეობის თავჯდომარედ კვლავ ერთხმად არჩეული იქნა ქ-ნი მარინე გიორგობიანი .

შვეიცარიის დედაქალქ ჟენევაში 31 ოქტომბერს გაიმართა ფარმაცევტული მწარმოებლების და ასოციაციების საერთაშორისო ფედერაციის (IFPMA) 26-ე ასამბლეა. ჩვენი ასოციაცია წარმოდგენილი იყო ასოციაციის აღმასრულებელი დირექტორის ირაკლი მარგველაშვილის სახით. ამ მეტად წარმომადგენლობოთი საერთაშორისო ფორუმის შესახებ დეტალური ინფორმაცია (პროგრამა, წარმოდგენილი მასალა, ფოტო და ვიდეო მასალა) შეგიძლიათ იხილოთ ბმულზე: www.26ifpmaassembly.org

აღსანიშნავია რომ ასსამბლეაზე არჩეული იქნა IFPMA ახალი პრეზიდენტი, ბ-ნი ჯონ ს. ლეხლეიტერი (კომპანია ელაი ლილი-ს მოქმედი პრეზიდენტი)

კომპანია Ferring Pharmaceuticals  (ფერინგ ფარმაცევტიკალს -ის წარმომადგენლობა საქართველოში ) მიღებულია ასოციაციის წევრად.

კომპანია Gedeon Richter  (გედეონ რიხტერი-ს წარმომადგენლობა საქართველოში ) მიღებულია ასოციაციის წევრად.

შვეიცარიის დედაქალაქ ჟენევაში 12-13 ივნისს გაიმართა ფარმაცევტული მწარმოებლების და  ასოციაციების საერთაშორისო ფედერაციის IFPMA წევრი ასოციაციების ხელმძღვანელების შეხვედრა და საბჭოს სხდომა. შეხვედრას ესწრებოდნენ ეროვნული ფარმაცევტული  ასოციაციების ხელმძღვანელები მსოფლიოს 40-მდე  ქვეყნიდან, IFPMA -ს  ვიცე პრეზიდენტი და პრეზიდენტის მოვალეობის შემსრულებელი მასაფუმი ნოგიმორი (კომპანია ასტელას ფარმას პრეზიდენტი)  ,   IFPMA -ს გენერალური დირექტორი  ედუარდო პიზანი. შეხვედრაზე მოწვეული იყვნენ და პრეზენტაციები გააკეთეს  სტუმრებმა: 
მილა გოროხოვიჩმა (IMS), ოლეგ ჩესნოვმა (ჯანდაცვის მსოფლიო ორგანიზაცია ), პროფესორმა პოლ ჰერლინგმა  (ჯანდაცვის მსოფლიო ორგანიზაციის ეხპერტთა საკონსულტაციო ჯგუფის ხელმძღვანელი ) . 
ჩვენი ასოციაცია წარმოდგენილი იყო ასოციაციის აღმასრულებელი დირექტორის ირაკლი მარგველაშვილის სახით.