კომპანია Abdi Ibrahim-ის საქართველოს წარმომადგენლობა მიღებულია ასოციაციის წევრად. ფარმაცევტული კომპანია Abdi Ibrahim შეიქმნა 1912 წელს და ატარებს მისი დამაარსებლის სახელს. კომპანია 2003 წლიდან წარმოადგენს თურქეთის #1 ფარმაცევტულ კომპანიას გაყიდვების (რაოდენობრივი და თანხობრივი მაჩვენებლების) მიხედვით. კომპანია Abdi Ibrahim წარმოადგენს პირველ თურქულ კომპანიას, რომელიც შედის მსოფლიოს 100 ყველაზე დიდი ფარმაცევტული კომპანიის ჩამონათვალში. კომპანიას აქვს ყველაზე გამორჩეული კვლევითი ცენტრი თურქეთში, ერთ–ერთი ყველაზე მაღალი წარმოების მოცულობის მქონე ფარმაცევტული ქარხანა ევროპაში (რომელსაც გააჩნია ევროკავშირის GMP სერტიფიკატი) და თანამდეროვე ტექნოლოგიებით აღჭურვილი ლოჯისტიკური ცენტრი, საიდანაც მარაგდება სამხრეთ ევროპის, მცირე აზიის, აფრიკის, ამიერკავკასიის, დსთ–სა და აზია–ოკიანეთის ქვეყნები. კომპანია Abdi Ibrahim თავისი გაყიდვების 4%–ს ხარჯავს ახალი წამლების კვლევა–განვითარებისათვის, რაც ყველაზე მაღალი მაჩვენებელია თურქეთის ფარმაცევტულ მწარმოებელებს შორის. Abdi Ibrahim თანამშრომლობს 40–ზე მეტ მსოფლიოში ცნობილ, ინტერნაციონალურ, ფარმაცევტულ კომპანიასთან და თურქულ ფარმაცევტულ სექტორში ჰყავს ყველაზე მეტი ლიცენზიარი კომპანია

ამერიკის შეერთებული შტატების დედაქალქ ვაშინგტონში 2011 წლის 1-2 თებერვალს გაიმართა ქართულ-ამერიკული ფორუმი "საქართველოს ჯანდაცვა 2002: მედეა 2011".  ჩვენი ასოციაცია მიწვეული იქნა საქართველოს ჯანმრთელობის, შრომის და სოციალური დაცვის სამინისტროს მიერ საქართველოს ოფიციალური დელეგაციის წევრად და ასოციაციის სახელით ფორუმის მუშაობაში მონაწილოება მიიღო ასოციაციის აღმასრულებელმა დირექტორმა ირაკლი მარგველაშვილმა. მან დამსრეთ წარუდგინა პრეზენტაცია საქართველოს ფარმაცევტული ბაზრის შესახებ. ღონისძიება ჩატარდა საქართველოს პირველი ლედის ქალბატონი სანდრა რულოფსის პატრონაჟით, რომელიც ასევე იყო ფორუმის საპატიო სტუმარი.  ფორუმს ესწრებოდნენ საქართველოს ჯანმრთელობის, შრომის და სოციალური დაცვის მინისტრი და სამინისტროს ხელმძღვანელი პირები,  საქართველოს ეკომონომიკისა და მდგრადი განვითარების სამინისტროს ხელმძღვანელი პირები,საქრთველოს პარლამენტის თავჯდომარის მოადგილე ბ-ნი გიგი წერეთელი, თსსუ-ს რექტორი, თსუ-ს წარმომადგენლები, სხვადასხვა კლინიკების ხელმძღვანელები, სხვადასხვა საერთაშორისო და არასამთავრობო ორგანიზაციების, ასევე ჯანმრთელობის დაცვის სფეროში მოღვაწე კერძო სექტორის წარმომადგენლები, ამერიკის შეერთებულ შტატებში მოღვაწე ქართველი ექიმები. ფორუმის საზეიმო გახსნას დაესწრო  ამერიკის შეერთებული შტატების ჯანმრთელობის დაცვის მინისტრი ქალბატონი კეტლინ სიბელიუსი. დეტალური ინფორმაცია ფორუმის შესახებ შეგიძლიათ იხილოთ ვებ გვერდზე: www.mdxp.com

კომპანია Fic Medical -ის საქართველოს წარმომადგენლობა მიღებულია  ასოციაციის წევრად. კომპანია  ფიკ მედიკალი საქართველოში წარმოადგენს  5 ფრანგული ფარმაცევტული ლაბორატორიის (BOUCHARA RECORDATI, ROSA PHYTOPHARMA, MAYOLY SPINDLER, NIGY, OMEGA PHARMA ) პროდუქციას. ხოლო 2011 წლიდან ასევე წარმოადგენს იტალიური ფარმაცევტული კომპანიის RECORDATI პროდუქციას.

ამერიკის შეერთებული შტატების დედაქალქ ვაშინგტონში 9-10 ნოემბერს გაიმართა ფარმაცევტული მწარმოებლების და  ასოციაციების საერთაშორისო ფედერაციის (IFPMA)  25-ე ასამბლეა. ასამბლეას  დაესწრო 250 -მდე დელეგატი მსოფლიოს სხვადასხვა ქვეყნიდან.  ჩვენი ასოციაცია წარმოდგენილი იყო ასოციაციის აღმასრულებელი დირექტორის ირაკლი მარგველაშვილის სახით. ღონისძიებას ესწრებოდნენ როგორც მსოფლიოს წამყვანი ფარმაცევტული კომპანიების და ფარმაცევტული ასოციაციების ხელმძღვანელი პირები, ასევე ჯანდაცვის მსოფლიო ორგანიზაციის (WHO), მსოფლიო სავაჭრო ორგანიზაციის (WTO), მსოფლიო ბანკის , ამერიკის სავაჭრო პალატის და სხვა საერთაშორისო ორგანიზაციების წარმომადგენლები. განხილული იქნა  გლობალური მასშტაბის სხვადასხვა მნიშვნელოვანი საკითხები, არჩეული იქნა  IFPMA  ახალი პრეზიდენტი, ბ-ნი დევიდ ბრენანი.

არასამთავრობო ორგანიზაციამ " პარტნიორობა სოციალური ინიციატივისათვის" სასტუმრო "ბეტსის" საკონფერენციო დარბაზში გამართა დებატები თემაზე "წამალზე დანახარჯები საქართველოში". დაწვრილებითი ინფორმაცია PSI -შესახებ და  დეტალები აღნიშნული ღონისძიების შესახებ შეგიძლიათ იხილოთ ბმულებზე http://www.psidiscourse.ge/geo/ და  http://www.youtube.com/watch?v=Pf8g-4yfmDk

საქართველოს ბიზნეს ასოციაციის ოფისში ხელი მოეწერა ურთიერთგაგების მემორანდუმს საქართველოს სტატისტიკის ეროვნულ სამსახურსა და ფარმაცევტული კომპანიების წარმომადგენლეთა ასოციაციას შორის საქართველოში. მემორანდუმი განსაზღვრავს ხელმომწერ მხარეთა შორის თანამშრომლობის პრინციპებს, რაც ხელს შეუწყობს დაინტერესებული მხარეების ხარისხიანი და ობიექტური სტატისტიკური ინფორმაციით უზრუნველყოფას. 

ასოციაციას და თბილისის სახელმწიფო სამედიცინო უნივერსიტეტის  (თსსუ) ხელმძღვანელობას შორის გაფორმდა ხელშეკრულება, რომლის მიხედვითაც ასოციაცია გაუწევს სპონსორობას თსსუ-ს 80 წლისთავისადმი მიძღვნილი ღონისძიებების ჩატარებას, რომლებიც იგეგმება 2010 წლის შემოდგომაზე.

საფრანგეთის ქალაქ ბორდოში 9-10 ივნისს გაიმართა ფარმაცევტული მწარმოებლების და  ასოციაციების საერთაშორისო ფედერაციის IFPMA წევრი ასოციაციების ხელმძღვანელების შეხვედრა და საბჭოს სხდომა. შეხვედრას ესწრებოდნენ ეროვნული ფარმაცევტული  ასოციაციების ხელმძღვანელები მსოფლიოს 30-ზე მეტი ქვეყნიდან, IFPMA -ს პრეზიდენტი  ჰარუო ნაიტო,   IFPMA -ს გენერალური დირექტორი  ედუარდო პიზანი, ინტელექტუალური საკუთრების  დაცვის მსოფლიო ორგანიზაციის WIPO გენერალური დირექტორი ფრანსის ჟური. ჩვენი ასოციაცია წარმოდგენილი იყო ასოციაციის აღმასრულებელი დირექტორის ირაკლი მარგველაშვილის და გამგეობის თავჯდომარეს მარინა გიორგობიანის სახით.

მარცხნიდან მარჯვნივ: IFPMA -ს გენერალური დირექტორი  ედუარდო პიზანი, APCRG გამგეობის თავჯდომარე მარინა გიორგობიანი, APCRG აღმასრულებელი დირექტორი ირაკლი მარგველაშვილი, IFPMA -ს პრეზიდენტი ჰარუო ნაიტო

APCRG აღმასრულებელი დირექტორი ირაკლი მარგველაშვილი და WIPO გენერალური დირექტორი ფრანსის ჟური

ასოციაციის აღმასრულებელმა დირექტორმა ი.მარგველაშვილმა მიიღო მონაწილეობა საქართველოს ბიზნეს ასოციაციის  მიერ ორგანიზებულ მუშა შეხვედრაში, რომელიც შედგა  ბიზნესის სხვადასხვა დარგის წარმომადგენელი ასოციაციების ხელმძღვანელებსა  და საქართველოს პრემიერ მინისტრის მრჩეველს,  ბატონ გიორგი პერტაიას შორის. შეხვედრის თემა იყო  საქართველოს ახალი საგადასახადო კოდექსის პროექტი და ბიზნეს სექტორის მონაწილეობა მისი სრულყოფის პროცესში.

ასოციაციის აღმასრულებელმა დირექტორმა ი.მარგველაშვილმა მიიღო მონაწილეობა საქართველოს ბიზნეს ასოციაციის  მიერ ორგანიზებულ მუშა შეხვედრაში, რომელიც შედგა  ბიზნესის სხვადასხვა დარგის წარმომადგენელი ასოციაციების ხელმძღვანელებსა  და საქართველოს სტატისტიკის ეროვნული სამსახურის აღმასრულებელ დირექტორს, ბატონ ზაზა ჭელიძეს შორის. შეხვედრის თემა იყო სტატისტიკის ეროვნული სამსახურის მიერ მომზადებული ინფორმაციის სრულყოფა და ახალი პროდუქტების შეთავზება ბიზნეს გარემოს გაუმჯობესების მიზნით. ჩვენი ასოციაციის ურთიერთობა საქსტატთან გაგრძელდება  ურთიერთთანამშრომლობის რეჟიმში. ინფორმაცია საქსტატის შესახებ შეგძლიათ ნახოთ ვებ გვერდზე www.geostat.ge